તો હવે મને મારા લિનક્સમાં (એટલે કે KDEમાં) બે એવા મસ્ત સોફ્ટવેર મળ્યાં કે જેનાં વડે તમે રસાયણવિજ્ઞાન અને ભૌતિકવિજ્ઞાનને સરળ બનાવી શકો છો અને તે પાછાં ફ્રી પણ છે. ફ્રી -- એટલે કે સોર્સકોડ પણ પ્રાપ્ત છે, વિન્ડોઝ જેવાં 'પાયરેટેડ' કે મર્યાદિત સમય સુધી વાપરવા દે તેવાં ફ્રી નહી. તમે તમારો પોતાને ગમતો ફેરફાર કરી શકો છો. ફ્રી સોફ્ટવેર વિશે વધુ અહીં અને વિકિપિડીઆમાં વાંચો.

૧. કેલ્ઝિયમ (kalzium)

અહીં તમે આવર્તકોષ્ટક, તત્વોથી માંડીને સંયોજનનાં થ્રી-ડી મોડેલ અને તેનો અણુભાર પણ મેળવી શકશો. આખો કાર્યક્રમ એકદમ સરસ રીતે બનાવેલ છે. તેનાં વધુ સ્ક્રિનશોટ અહીં જુઓ.

અને હા, સૂત્રો પણ સોલ્વ કરી શકશો.

૨. સ્ટેપ (Step)

સ્ટેપ એ ભૌતિકવિજ્ઞાનનો એકદમ ઇન્ટરએક્ટિવ કાર્યક્રમ છે. તમે વિવિધ અસરોને નિયંત્રિત કરી શકશો અને તમારાં પોતાનાં સૂત્રો પણ બનાવી શકશો. તેનાં વધુ સ્ક્રિનશોટ અહીં જોઇ શકશો. આ કાર્યક્રમ હજી ડેવલોપમેન્ટમાં છે - એટલે તમારે જાતે કમ્પાઇલ કરવો પડશે, હવે કમ્પાઇલ કેવી રીતે કરવો તે આ બ્લોગ અને પોસ્ટની મર્યાદાની બહાર છે!

થોડા સમય પછી આ બંને કાર્યક્રમો ગુજરાતીમાં પણ જોવા મળશે :)

[Click on image to see full size]

* KDE 4 (એટલે કે કેડીઇની ૪.૦ આવૃત્તિ) આવી ગયું છે. હવે, તમને થશે આ કેડીઇ વળી શું ચીજ છે? કેડીઇ એ લિનક્સનું એક ડેસ્કટોપ છે, જે Qt નામની ઉચ્ચ કક્ષાની ટેકનોલોજી પર આધારિત છે. અને તે દેખાવમાં સરસ હોવાની સાથે વાપરવામાં એકદમ સરળ છે. આનંદની વાત છે કે હવે તમે આ સમાચાર તેની વેબસાઇટ પર પણ ગુજરાતીમાં વાંચી શકશો.

.. અને જેમને કેડીઇ-ઇન્ડિઆનાં એકદમ ઝકાસ શૂરવીરોને મળવું હોય તેઓ, http://www.kde.in ની મુલાકાત લઇ અમને મળી શકે છે. જો તમે IRC વાપરતાં હોવ તો, તમારાં IRC સોફ્ટવેરને irc.freenode.net સર્વર પર #kde-in પર જોડાવા કહો!

તો, હવે કામ આ કરવાનું છે: KDE ગુજરાતીમાં ફેરવવા, માણવા અને જોવા માટે જોઇએ છે, ગુજરાતી અને ટેકનોલોજીનું જ્ઞાન ધરાવતાં બે-ત્રણ ઉત્સાહી લોકો. ટીમ તો સાઇટ પર આપેલ છે, પણ તે નિષ્ક્રિય છે.

છે કોઇ? આરંભે શૂરા ગુજરાતીઓ, મારો સંપર્ક કરી, આ પડકાર ઝીલીને, આ કહેવત ખોટી પાડો!!અને, આ છે કેડીઇનું ચિહ્ન જોરદાર કેટી..