અહીં બે જાતના અભણ ગુજરાતી મળે છે. એક અંગૂઠાછાપ અને બીજા કોન્વેંટિયા. બંને ગુજરાતી શીખી રહ્યા છે. હું એક એવો દિવસ જોઈ રહ્યો છું જ્યારે ગુજરાતી માતાઓએ એમનાં બાળકો પાસેથી માતૃભાષા ગુજરાતી શીખવી પડશે. મને ગુજરાતી બોલતા આવડતું નથી, મને ગુજરાતી વાંચતા આવડતું નથી, મને ગુજરાતી લખતા આવડતું નથી. આ વાક્યો ગાંધીજીના વાંદરાઓએ કહ્યાં નથી, પણ મુંબઈનાં ગુજરાતી કુટુમ્બોમાંથી અંગ્રેજી માધ્યમની સ્કુલોમાં ભણવા મોકલાયેલા ગોરાંગોરાં લંગુરો રોજ કહેતા હોય છે, જ્યારે દાંત પર બ્રેસીસ ફીટ કરેલી ગોરી ગોરી ગુજ્જુ લંગુરી છોકરી ઝાંખડા જેવા અમેરિકન સ્ટાઈલ પર્મ વાળ હલાવીને ડોનાલ્ડ ડકની જેમ મોઢું પહોળું કરીને કહે છે કે "આઈ કેંટ સ્પીક ગુજરાતી" ત્યારે એને ઊંધી કરીને એના નિંતબ પર અમેરિકનોની જેમ "સ્પેંક" કરવાનું મન થઈ જાય છે.

આ માહિતી બદલ બક્ષીબાબુનાં ઓરકુટ ગ્રુપનો આભાર!!

૧. ઇગો - ચંદ્રકાંત બક્ષી - સરસ પુસ્તક. એક તરફ બક્ષીજીનાં ફોટા અને બીજી તરફ અવતરણો..
૨. અતીતવન - ચંદ્રકાંત બક્ષી - ઇતિહાસને જાણવા, સમજવા માટે જરુરી..
૩. કિમીયાગર
૪. તમે અને તમારુ નિરોગી બાળક - ખાસ કોકી માટે :)

* કાન્તિ ભટ્ટે પોતાની 'ઇસ્ટાઇલ' માં સ્વર્ગસ્થ બક્ષીને શ્રધ્ધાંજલિ આપી છે. તેમને આ લેખ શું ખાઇ અથવા પીને લખ્યો તે સમજાતું નથી.

* ભારત આજે ઇંગલેન્ડ સામે જીતી ગયું. મેચ જોવા તો ન મળી, પણ સ્કોર જોઇને મજા આવી...

(ગુજરાતી ફિલ્મોનુ બેકગ્રાઉન્ડ મ્યુઝિક)

પણ, આજનો દિવસ ખરાબ સમાચાર સાથે શરુ થયો.

મારા પ્રિય ગુજરાતી લેખક શ્રી ચંદ્રકાંત બક્ષી હવે આ દુનિયામાં રહ્યા નથી!

મારી પાસે સમાચારની કોઇ લિંક નથી. ખાલી એક આ ફોટો છે,
જે કદાચ બહુ જુનો છે. ચંદ્રકાંત બક્ષીને ના ઓળખતા હોય, એવુ કોણ હશે?
એ કદાચ એક જ એવા લેખક હશે, જે શેઠિયાઓનાં પગનાં તળિયા દબાવ્યા વગર ખુમારીથી જીવ્યા!

પાલનપુર (મારું વતન) માં તેમનું ઘર ખોડા લીમડાની જોડે બક્ષીવાસમાં છે, હું જ્યારે પણ તે રસ્તે નિકળું છું, મારી નજર એ તરફ જ વળી જાય છે..

તેમની બુક્સ વાંચવાની મજા પણ અનેરી છે અને જ્યાં સુધી ગુજરાતી ભાષા રહેશે, ત્યાં સુધી રહેશે..

# મારા મુખ્ય બ્લોગ માં મેં થોડું લખ્યું છે, મોટાભાગે તે આનું અંગ્રેજી જ છે...