રંગ ઘોળ્યો, દીલડું ડહોળી
ભરી પીચકારી એમાં બોળી.
પણ-
રમવી કોની સંગમાં હોળી ?

આજ તો,
મારેય છે રંગા’વું,
પીચકારીએ છે છંટા’વું
સંગે રમી
રંગે રમી
દીલડું મારેય છે બહેલા’વું !

ઉરના કો એકાંતે
આવી ‘એ’ લઈ પીચકારી
રંગી દીઘો
ભીંજવી દીઘો
મને એના કસુંબલ રંગથી !

ત્યારથી-
એ રંગરાગમાં
એની સંગમાં
આજ લગી રંગાયેલ છું !!

- ચીમન પટેલ ‘ચમન’

ગોપીઓએ ઉજવ્યા બારે બાર માસ!

ચીમન પટેલ ‘ચમન’

----------------------------- 

હથીયાર જો
લો, તો લો અહીંસાનું;
નહીં હીંસાનું !

----------------------------- 

દીવો આપે છે
સૌને એનો પ્રકાશ;
રાખી અંધારું !

----------------------------- 

સુર્યં આપે છે
જગને એવી શક્તી
પોતે બળીને!

----------------------------- 

રસ્તે મળતા
મીત્રો બધા મલકે
દીલથી નહીં !

----------------------------- 

પીયર ગઈ
પત્ની, ભોજન સ્વાદ
ગયો એ સાથે !

----------------------------- 

સુખ-દુખના
આંસુઓને અલગ
રંગ મળે તો ?

----------------------------- 

સ્વજન ગયા
પછી સમજાય છે
સાચી સગાઈ !

----------------------------- 

'સુનામી’ પછી,
સમજાયો સહુને
પાણી-પ્રકોપ !

----------------------------- 

વાતો કે’નારા
ખુબ, સાંભળનારા
બહુ જ ઓછા!

----------------------------- 

પૂજારી પુણ્ય
ભેગું કરે રાત-દી;
આરતી કરી !