"સંત-સત્સંગથી ધીરે ધીરે ધન પરનો પોતાનો માલિકીભાવ ક્ષીણ થવા માંડ્યો. તે એટલે સુધી કે, એમ વિચાર આવ્યો કે, ટ્યુબ વેચાય એના ઉપર જ શા માટે? જેટલી ટ્યુબ આપણી આગળ ઉત્પાદિત થઇને  આવે એના ઉપર જ આ નિયમ લાગુ પાડોને ! ધારોકે, પચ્ચીસ હજાર ટ્યુબ આવી તો, એના ઉપર આટલા ભગવાનને આપવાના થાય તે પહેલેથી જ, અગાઉથી જ આપી દેવા. શા માટે ભગવાનના ઉધાર રાખવા? એટલે વેચાણ પર નહિ, ઉત્પાદન પર આ સ્વયમ્ લાદેલો 'પ્રભુ- ટેક્સ' આપી દઇને ચિંતામુક્ત થઇ જવાનું "
- 'ઓજસનો અવતાર' માંથી

"ઓજસનો કદી અસ્ત થતો નથી."
માણસ જાય છે. વિચારો ટકે છે, ને એની 'પ્રજા' પણ થાય છે."
- રજનીકુમાર પંડ્યા

# 'ઇપ્કો' ની વેબ સાઇટ

________________________________________________

સમ્પર્ક   -  ઇપ્કો હાઉસ, હિમાંશુ બંગલો, પેટલાદ રોડ, નડિયાદ- 387 001   

નામ

ઇન્દુલાલ  મગનલાલ પટેલ

ઉપનામ

ચરોતરના ભામાશા, ચરોતર રત્ન 

જન્મ

7, સપ્ટેમ્બર- 1927 ; ધર્મજ (જિ.  ખેડા)

અવસાન

23, જુલાઈ - 2007 ; અમદાવાદ

કુટુમ્બ

માતા - સૂરજબા; પિતા - મગનભાઇ પટેલ; દાદા - ધોરીભાઇ

પત્ની - શારદા (લગ્ન- 1951) ; પુત્રીઓ - અનીતા, નયના

અભ્યાસ

બી.ફાર્મ  

વ્યવસાય

શરુઆતમાં મુંબાઇમાં મેડીકલ રેપ્રઝેન્ટેટીવ

પછી ધર્મજમાં છીંકણીના સેલ્સમેન

શેષ જીવન -  તમાકુની  ટૂથપેસ્ટ બનાવવાનું કારખાનું - 'ઈપ્કો'

જીવનઝરમર

બે વર્ષની ઉમ્મરે પિતા પાસે આફ્રિકા ગયા.

પિતા 'ફોજી' ના નામે ઓળખાતા, કારણકે કોઇ જરુરતમંદ માગે તો ગજવામાં હોય તેટલા રૂપિયા આપી દેતા. માતા  અત્યંત ધાર્મિક વૃત્તિવાળાં હતાં.

બાળપણમાં તોફાની, થોડા સંગ - કુસંગ, ભણવામાં બેધ્યાન

શાળા અને કોલેજ કાળમાં ભણવામાં હોંશિયાર 

1958 - તમાકુની ટૂથપેસ્ટ બનાવવાનો 'ફ્લેશ' થયો - ઓજસનો પહેલો ચમકારો

શરુઆતની જિંદગીમાં સાવ નાસ્તિક, પણ પત્નીના સહવાસે નડિયાદના સંતરામ મહારાજને    સમર્પિત

આવકનો મોટાભાગનો હિસ્સો આપી 'શારદાબેન ઇન્દુભાઇ ઇપ્કોવાળા ચેરિટેબલ ટ્રસ્ટ'  સ્થાપ્યું અને જાળવ્યું, જેમાંથી કોલેજો, દવાખાના, ગરીબીમુક્તિ, દુષ્કાળરાહત, મંદિરો, ટાઉન હોલ, કેન્સર સંશોધન કેન્દ્ર વિ. માટે લાખોનાં દાન આપ્યાં.

તેમના જમાઇઓ દેવાંગભાઇ અને અવિરતભાઇએ તેમના વ્યવસાય અને ટ્રસ્ટનાં કામો  ઉપાડી લીધાં છે.  

રચનાઓ

તેમની જીવનકથા - ઓજસનો અવતાર ( લે. રજનીકુમાર પંડ્યા)  - તેમને પંચોતેર વર્ષ થયા તે પ્રસંગે લખાયેલ

સાભાર

સપ્તક - ગુજરાત ટાઇમ્સ, ન્યુયોર્ક - રજનીકુમાર પંડ્યા 

----------------------------------------------------------------------------------

રજનીકુમાર પંડ્યાના પુસ્તક વિશે વિચારો -

         " એક મહિનો અને દસ  દિવસ હું ઇન્દુકાકાના જીવનના અંતરંગમાં , એના ઊંડાણમાં અવગાહન કરતો રહ્યો. મારી સાથે મારી મદદમાં ભાઇ બીરેન કોઠારી પણ રહ્યો. અમને બન્નેને લાગતું હતું કે, અમે કોઇ વન્ડરલેન્ડમાં ફરી રહ્યા છીએ, જ્યાંની ભૂમિ સપાટ નથી. માર્ગો બનાવેલા નથી. કાંટાના અનુભવો હતા. હતાશાની ખીણો હતી. તો આશાની પગથાર પણ હતી. ક્યાંક એકદમ યુ-ટર્ન હતો, ત્યાં ક્યાંક ગેબી શક્તિ હાથ પકડીને દોરતી હોય એમ લાગતું હતું. આકાશ અનેકરંગી હતું, પણ એમાં જે સૂરજ ચમકતો હતો તે માત્ર તેજ ફેંકતો ન હતો, તેજથી ઊંચી કોઇ ચીજ એમાંથી ફૂટતી હતી. તેજથી ઊંચું, તેજથી વધુ દેદીપ્યમાન, દૈવી અને ચોતરફ શાતા ફેરવનાર એવું શું હોઇ શકે? એનું શું નામ હોઇ શકે? એને કહેવાય 'ઓજસ'

           ઇન્દુકાકા માત્ર તેજસ્વી નહોતા, ઓજસ્વી પણ હતા. ઘણા એને ચહેરાની કાંતિ કહે, ઘણા તેજવલય કહે - પણ એ બન્ને શબ્દોમાં ગ્લેમરનો ઇશારો છે. ઓજસમાં ગ્લેમર( ચળકાટ) ન હોય. શીળું , દૈવી જ્યોત જેવું કોઇ તત્વ હોય. બન્ને વચ્ચે જ્વાળા અને જ્યોતિ જેટલો ફેર છે. પુરુષાર્થ, પ્રતિભા અને પ્રારબ્ધે એમને ધન આપ્યું, પણ એ ધનથી એમનામાં ગરમી ન જન્મી, ગરવાઇ જન્મી અને દ્યુતિનો પ્રાદુર્ભાવ થયો. એમની જીવનયાત્રાનો અર્ક 'ઓજસ' શબ્દમાં વરતાતો હતો.

      એટલે પછી અમને ઇન્દુકાકાના પુસ્તકનું શીર્ષક સૂઝ્યું   - ઓજસનો અવતાર"

ચીનુભાઇ ચીમનલાલ (મેયર)

જન્મ

નવેમ્બર 1 -  1901; અમદાવાદ

અવસાન

ઓગસ્ટ 1 -  1993 ; અમદાવાદ

કુટુમ્બ

• માતા – લક્ષ્મીબહેન ; પિતા –ચીમનભાઈ લાલભાઈ
• પત્ની – પ્રભાબહેન ( લગ્ન- 1950) ; સંતાનો -ઉર્વશીબહેન, રાજીવભાઈ

અભ્યાસ

• અમદાવાદ તથા બનારસ
• મેટ્રિક (અમદાવાદ)
• બી. એ. (મુંબઈ યુનિવર્સિટી)

વ્યવસાય

• મિલમાલિક, ઉદ્યોગપતિ
• જાહેર સેવા

જીવન ઝરમર

• 1915 - માતા લક્ષ્મીબહેનના અવસાન પછી બનારસ અભ્યાસાર્થે ગયા.
• 1936 - સરસપુર મિલમાં વહીવટ સંભાળ્યો.
• 1942 - અમદાવાદ મ્યુનિસિપાલિટીના કોર્પોરેટર તરીકે ચૂંટાયા
• 1949 -  અમદાવાદ મ્યુનિસિપાલિટીના પ્રમુખપદે ચૂંટાયા
• 1950 -  અમદાવાદ મ્યુનિસિપલ કોર્પોરેશનની રચના થતાં શહેરના પ્રથમ મેયર બન્યા
• અમદાવાદ શહેરના વિકાસના પ્રણેતા.  “મેયર”નું માનભર્યું બિરુદ પામ્યા. નિવૃત્તિ પછી પણ જીવનપર્યંત “ચીનુભાઈ મેયર” ના નામથી ઓળખાયા.
• જી.આઈ.ડી.સી. ના પ્રથમ ચેરમેન, સીબાતુલના પ્રથમ ચેરમેન, કામા હોટેલના પ્રથમ ચેરમેન
• બીજી અનેક કંપનીઓના ચેરમેનપદે રહી ગુજરાતના ઔદ્યોગિક વિકાસમાં અમૂલ્ય યોગદાન આપ્યું.

- 

- 

 #   જીવનઝાંખી     :  અરવિંદ મીલ

_________________________________________________________

નામ

શેઠ કસ્તુરભાઈ લાલભાઈ

જન્મ

ડિસેમ્બર - 19 ;  1894 - અમદાવાદ

અવસાન

જાન્યુઆરી - 20 ;  1980 - અમદાવાદ

કુટુમ્બ

• માતા – મોહિનાબા ; પિતા – લાલભાઈ
• પત્ની – શારદાબહેન ; સંતાનો - સિદ્ધાર્થભાઈ, શ્રેણિકભાઈ

અભ્યાસ

• 1911 - મેટ્રીક  , અમદાવાદ
• કોલેજના બીજા વર્ષમાં હતા ત્યારે પિતાનું અવસાન થતાં ધંધામાં જોડાયા

વ્યવસાય

• ગુજરાતના પ્રમુખ ઉદ્યોગપતિ.
• લાલભાઈ ગ્રુપની મિલોના સંચાલક - મિલમાલિક

જીવન ઝરમર

• શ્રીમંત પરિવારમાં જન્મ. પિતા મિલ માલિક
• જીવનની પહેલી અને છેલ્લી નોકરી રાયપુર મિલમાં ટાઇમ કીપર તરીકે
• 1912 -  પિતાનું અવસાન થતાં 18 વર્ષની ઉમ્મરે રાયપુર મિલના સંચાલનમાં જોડાયા
• પહેલા વિશ્વયુધ્ધ પછી આવેલી અભૂતપૂર્વ તેજીના કારણે બહુ તીવ્ર ગતિથી ઉદ્યોગની પ્રગતિ
• 1918 - કાપડ ઉદ્યોગમાં પડેલી હડતાલના કારણે ગાંધીજીએ તેમના પહેલા ઉપવાસ કર્યા, ત્યારથી તેઓ ગાંધીજીની સત્યનિષ્ઠાના ચાહક બની રહ્યા
• 1921 -  અશોક મિલની સ્થાપના. પછી અરુણ આદિ મિલોની સ્થાપના કરી.
• 1921 - સેન્ટ્રલ લેજીસ્લેટીવ એસેમ્બ્લી ના સભ્ય - મીલમાલિકોના પ્રતિનિધી તરીકે
• 1931 - અરવિંદ મિલની સ્થાપના
• અનિલ સ્ટાર્ચ તથા અતુલ પ્રોડક્ટ્સ (1952) જેવા ઉદ્યોગો વિકસાવ્યા.
• 1937- 1949  રીઝર્વ બેન્ક ઓફ ઇન્ડીયાના ઓનરરી ગવર્નર
• અમદાવાદ એજ્યુકેશન સોસાયટી અને અનેક કેળવણી સંસ્થાઓ વિકસાવી
• એલ.ડી. એન્જી. કોલેજ, એલ.ડી. ઇન્ડોલોજી કેન્દ્રમાં મોટું દાન, આ સંસ્થાઓના નામ તેમના પિતાના નામ ઉપરથી
• અટીરા અને આઇ.આઇ.એમ. (અમદાવાદ) ની સ્થાપનામાં મહત્વનું પ્રદાન
• જૈન તીર્થક્ષેત્રોના જીર્ણોદ્ધારમાં યોગદાન.
• ગુજરાતના અગ્રગણ્ય સફળ ઉદ્યોગપતિ; અમદાવાદના અગ્રણી મહાજન.

સન્માન

1968 -  કેન્દ્ર સરકાર દ્વારા પદ્મભૂષણ