શાળા - એક એવી જ્ગ્યા જેના માટે પપ્પા ચુકવે અને પપ્પુ રમે.

જીવન વિમો - મર્યા પછી પૈસાદાર થવા માટે જીવનભર ગરીબ રાખનાર ગોઠવણ.

નર્સ - એક એવી વ્યક્તિ જે તમને ઊંઘની ગોળીઓ લેવા માટે ભર ઊંઘમાંથી જગાડે.

લગ્ન - એક એવો બનાવ જેમાં મુરતિયો ‘બેચલર’ની ડીગ્રી ગુમાવે છે અને કન્યા ‘માસ્ટર્સ’ની ડીગ્રી મેળવે છે.

આંસુ - પુરુષના અડગ સંકલ્પને ધોઈ નાખતું પાણી.

લેક્ચર - પ્રોફેસરની નોંધપોથીમાંથી વિદ્યાર્થીની નોંધપોથીમાં ઊતરતું જ્ઞાન જે બંનેના મગજને અસ્પૃશ્ય રહે છે!

કોન્ફરન્સ - ગૂંચવાડો ગુણ્યા હાજર સંખ્યા.

કોન્ફરન્સ રુમ - એક એવી જગ્યા જ્યાં બધા બોલે છે પણ કોઈ સાંભળતું નથી.

પપ્પા - એટીએમ - એની ટાઈમ મની.

બોસ - એક એવી વ્યક્તિ જે તમે મોડા પડ્યા હો તે દિવસે સમયસર હોય અને તમે જે દિવસે સમયસર હો તે દિવસે મોડી.

દાકતર - જે તમારી બિમારીઓ દવા વડે ભગાડે છે અને તમને ખર્ચા વડે મારી નાખે છે!

ગુજરાતી પુસ્તકો - લોકો વખાણે છે પણ વાંચતા નથી.

સ્મિત - એક એવો વળાંક જે ઘણું બધું સીધું ને સરળ બનાવે છે!

બગાસું - પરણેલા પુરુષને મોઢું ખોલવા માટેનો સમય.

અનુભવ - ભૂલોનું બીજું નામ.

અણુબોમ્બ - બધા શોધખોળોની ઘોર ખોદ શોધ.

શબ્દકોષ - એક એવી જ્ગ્યા જ્યાં ઈનામ હરીફાઈની પહેલા, પગાર હાજરીની પહેલા અને પરિણામ પરીક્ષાની પહેલા આવે છે!

વગેરે વગેરે - જેટલું જાણીએ છીએ તેના કરતાં વધારે દેખાડવા માટે વપરાતા શબ્દો.